9:32 PM სილქნეტი ვიდეოთეკის კომერციულ გაშვებას იწყებს | |
სილქტივის მომხმარებელი 18 ნოემბრიდან განახლებული ვიდეოთეკით ისარგებლებს. ახალი, რეიტინგული ფილმები ყოველკვირეულად ჩაიტვირთება ვიდეოთეკაში. როგორც კომპანიაში აცხადებენ, ფილმების ძირითადი ნაწილი რჩება უფასო, ხოლო ახალი ფილმების დაქირავების ფასი 50 თეთრიდან იწყება. მომხმარებელი შერჩეული ფილმის ტარიფზე წინასწარ იღებს შეტყობინებას და მას ნაყიდი ფილმის ნახვა შეუზღუდავი რაოდენობით 24 საათის განმავლობაში შეეძლება. შეძენისას აუცილებელია ვიდეოთეკის პინ–კოდის მითითება, რომელსაც აბონენტი ცხელი ხაზის 2100 100 ან 2100 400 მეშვეობით შეიტყობს. „მომხმარებელმა ერთჯერადად უნდა დარეკოს სილქნეტის ცხელ ხაზზე, უნდა დაასახელოს სილქ ტვ–ის ინსტალაციისას მინიჭებული სილქ ტვ–ის კოდური სიტყვა და მიიღოს ვიდეოთეკის პინ–კოდი. თუ მომხმარებელმა 24 საათის გასვლამდე დაიწყო ვიდეოთეკით სარგებლობა, მას 24 საათის გასვლისთანავე არ შეუწყდება სერვისი და შეეძლება ბოლომდე ნახოს ფილმი, სერიალი ან ვიდეო " – განმარტა სილქნეტის საზოგადოებასთან ურთიერთობის სამსახურის უფროსმა ნინო დარასელმა. სილქტივის მომხმარებელს ვიდეოთეკით სარგებლობის გადასახადი სილქ ტვ–ის ანგარიშზე დაერიცხება. | |
|
სულ კომენტარები: 0 | |